التغيير في اي مكان في الدنيا مطلوب خاصة إذا كان الهدف سامي ونبيل لتنشيط الاداء وتحريك الماء الراكد وهو امر يجب ان نشجعه لكن حينما يكون هناك مأرب أخري يبقي علي الدنيا السلام
فجأة ودون سابق أنذار أعد مهندس العمليات علي الارض مقترح حركة لرؤساء المدن بالقليوبية وناقشه مع المسؤل قبل إرساله إلي وزير التنمية المحلية والطبيعي ان الحركة كانت تتضمن نقل او استبعاد 3 من رؤساء مدن منحهم التفتيش بالوزارة “صفر” بالبلدي يعني … الاداء لامؤخذاة ضعيف للغاية أنما مهندس العلميات راي التخلص من أقدم رئيسة مدينة بالقليوبية بعد إزاحتها من بنها لمجرد انها كتبت مذكرات رسمية بتقول فيها ان رئيس المدينة يتدخل في اختصاصاتي علشان واعية وفاهمة إدارة محلية وإشتغلت في الشارع قبل كل هؤلاء جميعا
الانكت ان رئيسة مدينة القناطر الغلبانة التي لاحول لها ولاقوة كانوا عاوزين يحطوها في قليوب علي اساس إيه ان شاء الله الانجازات غير المسبوقة التي قامت بها في القناطر ولاهي الحكاية إيه نفس الحال في الخانكة الدنيا هناك “سمك لبن تمر هندي ” والعاصمة محتاجه “حد ” تقيل قوي يخلصها من مشاكلها علي الاطراف …لان الحكاية مش شارع الكورنيش وامام المحافظة فقط
عموما المسألة محتاجة “غربلة” بين القيادات بس علي اصوله “مش كده ولاإيه ؟!
بالمناسبة مهندس العمليات بالمحافظة يحاول بشتي الطرق إفشال عمل نائبة المحافظ وهو ملف سوف يكون لنا فيه كلام تاني
