كتبت سحر سعيد
زوجى بيقضى وقته كله على الانترنت ومقضيها ” شات وبوستات وهاشتاجات” مع ستات وبنات واهملنى وكل ما اكلمه او اطلب منه حاجه ” يهب فى وشى ” وكانه متزوج من الفيس بوك والانترنت .. قالت الزوجه لقاضى محكمة الاسره انا قلت لـ جوزى ” هو انا مش زى الستات اللى انت بتتكلم معاهم على الفيس قال لى انا باشتغل وده شغلى الى ان جاءت تزورنى واحده صديقتى وقلت لها على مأساتى فقالت لى صديقتى انا هاعرف لك جوزك وراه ايه اضافت” الزوجه” صديقتى قامت بعمل اكونت على الفيس بوك وغيرت صورتها بصورة اخرى لوحده من الاخر ” موزه ” وارسلت طلب صداقه لجوزى وعلى الفور جوزى من غير ما يفكر فى مين اللى ارسل له طلب صداقه وافق على طول وبدأ يتحدث معها على الشات
اوضحت الزوجه كنت اجلس بجوار صديقتى وهى تتحدث مع زوجى وانا بتحرق من داخلى ولكنى قررت ان انتظر لاخر الطريق حتى اعرف جوزى بيعمل ايه وعاوز ايه من الستات اللى بيتكلم معاهم على النت
اضافت الزوجه المهم تحدثت صديقتى مع زوجى كثيرا على الشات وبعد مرات عديده من الكلام طلب منها ان ترسل له صورة لانه وحسب قوله لها بيبحث عن عروسه وعاوز يتزوج على الفور اسرعت صديقتى لى وحضرت لشقتى وجعلتنى اقرا الرساله التى ارسلها زوجى لها فانهارت من البكاء قائلة ” انا مش وحشه او ست مهمله فى نفسها ” انا اعيش معاه على الحلوة والمرة وكل ما اقترب منه واتكلم معاه اجده يمسك الموبايل ويضع عينه فيه وكانى مش موجوده بجواره وفى الاخر يطلع بتاع ستات وعاوز يتجوز على وطلبته صديقتى من تليفونها وسجلت المحادثه وامسكت منها التليفون وكلمته وعلى الفور اغلق الخط .. اضافت الزوجه ان الغريب عندما عاد زوجى الى المنزل وجدته يزعق ويشتم ويقول لى انت بتسلطى واحده عليا انا هخرب بيتك قلت له ماهو فعلا بيتى خرب وقررت الجأ الى محكمة الاسرة لاخصل على الطلاق منه
مباشر القليوبية
