كتبت : سحر سعيد
صرخت ” ح .م ” امام قاضى محكمة الاسره تطلب منه الطلاق قائلة ” عاوزه حماتى تطلقنى ” جوزى ابن امه تزوجته على الورق وامام الناس وفى الحقيقه امه هى الكل فى الكل بسبب انى انجبت بنت فقررت امه ان يتزوج من اخرى غيرى وقامت بعقد قرانه على واحد ثانيه وتزوجها دون علمى علشان تجيب لها الولد اضافت الزوجه لم يمر على زواجى عاملين وانجبت بنت زى الامر ولكن لم يعجب حماتى فهى المتصرفه الوحيده والامره والناهيه فى مصير زوجى واشقاءه
اشارت ان زوجى مهندس تزوجته عن حب وهو يعمل في البترول وعمل لى احسن فرح حضره الاهل والاصحاب والجيران و بعد الزواج انجبت بنت ومنذ ولادتها وبدأت المشاكل من امه ” اللى هى حماتى ” فهى تتحكم في زوجى وهي من تاخذ القرارت له ولاخوته و فى يوم من الايام قالت لي عايزين ولد منك
قلت لها ” كله من عند الله وربنا هو اللي بيعطي من يشاء الإناث والذكور” ردت على قائله ” اركني علي جنب كده وعايزه رد منك هتجيبي ولد ولا نشوف غيرك ” وكان وقع الكلام على صدمه قلت في نفسي انا لى راجل لما يجى اقول له وانتظرت زوجي حتي اقول له ولكن الصدمه أنه قال لي اوعي امي تزعل احسن زعلها وحش وممكن تجبرني اعمل حاجات تزعلك قلت له يا مصيبتي السوده انا تزوجت من ابن امه قال لي اخرصي وذهب لأمه فى منزلها وجلس عندها اكثر من عشرت ايام ولم يتكلم معى حتى فى التليفون وكاني مش زوجته واتصلت علي موبيله وكانت المفاجاءه ردت على امه وقلت لها عاوزه اكلم جوزى
فقالت اسفه ابنى مشغول قلت لها كيف قالت النهارده ليلة ” دخلته ” عشان يجيب الولد اللي انتي مقدرتيش تجيبيه قلت لها حسبي الله ونعم الوكيل انت ربنا هينتقم منك اشد انتقام وحقي عند ربنا وطلبت الطلاق من ” امه ” وقلت لها طلقيني مش انتي الكل في الكل في داهيه انتي وابنك وتوجهت لمحكمة الاسرة لطلب الطلاق
مباشر القليوبية
