كتبت : سحر سعيد
الله يسامحك يا ” ابى ” وانت يا ” امى ” بعتونى لراجل اكبر منى بـ 35 سنه علشان خاطر الفلوس .. وقفت ف . ط فى محكمة الاسرة ببنها تبحث عن حل لمشكلتها مع زوجها الخليجى ” تاجر النسوان ” هكذا وصفته لنا … قالت الزوجه التى لا يتجاوز عمرها الـ 20 عاما فعمرها فى لحظة ما كنا نتحدث اليها 19 عاما ونصف .. ابى راجل عامل محارة على باب الله ولى 7 اخوات انا اوسطهم ومنهم بنات وصبيان ولنا جاره منها لله جائت لامى فى يوم من الايام وقالت لها فى واحد خليجى غنى اوى ومعاه فلوس من كترها لا تتعد وبيدور على عروسه وعاوز يدخل دنيا ايه رايك نجوزه بنتك فرددت امى عليها قائله وعنده كام سنه فقالت لها جارتنا الجماعه بتوع الخليج لا تسالى عن سنهم اسألى معاهم فلوس كام وهايدفعوا كام
قالت الزوجه والدموع فى عينيها المهم فى اقل من اسبوعين ومن غير ما يعرفوا راى قرروا يوم الدخله ونظرا لانى لم ادخل مدارس ولم احصل على نصيبى من التعليم زى باقى البنات وخبرتى قليله حتى امى لم تفهمنى يعنى ايه جواز لقيت نفسه متزوجه من واحد يكبرنى ب 35 سنه
ابى جلس معاه واعطاه العريس الخليجى حقيبه فيها فلوس لا اعرف عددها وكان العريس معاه فستان اشتراه لى دخلت امى والبسته لى ومعها جارتنا منها لله واصطحبنى العريس فى سيارته بعد كتب الكتاب وسافرنا الى دولته
اوضحت الزوجه بعد ان وصلنا كانت المفاجأه زوجى العجوز متزوج ومعاه اتنين ستات واولاده كبار كثيرين فى سن زواج بكيت لطمت على وجهى مفيش حد سمعنى ولا حد قال لى مالك ودخل على زوجى وبعد شهر زواج ذقت فيه كل انواع العذاب والاهانه والسخرية وقلت له لا اريد ان اعيش معاك فقال لى ليس لك راي انت ملكي وابوك قبض الثمن وفى يوم من الايام هربت من المنزل وتوجهت الى السفارة المصرية وهناك قاموا بترحيلى الى مصر ورجعت بيت اهلى وهناك قال لى ابى وامى ارجعى بيت جوزك احنا اشترينا حاجات بالقسط على حس الجوازه بتاعتك ولازم ترجعى له فتوجهت بعد ذالك الى محكمة الاسرة لاحصل علي الطلاق واجد مكان اعيش فيه لان اهلي رفضوا وجودي معهم وطلبوا منى ان ارجع لزوجى
مباشر القليوبية
