قالت “بسيمة حجازي ” 65 عاما من قرية طحانوب بشبين القناطر إحدى الحاضرين في «عزومة الرئيس» على الفطار الاحد الماضى إنا «لما قابلت الرئيس عبدالفتاح السيسى كنت قاعدة جنبه قائله ” أنا لو بحلم مجرد حلم مش هحلم إنى أشوفه، لكن كون إني أشوفه وأجلس بجواره ومش بس كده أنا أكلت معاه،
أضافت في تصريحات صحفيه لـ ” مباشر القليوبية ” أنا كان كل همي أشكى له حالى أنا وأولادى الخمسة، قلت له يا ريس أنا عاوزة ولادي يتربوا بعيد عن الشارع، أنا عندى فرش فاكهة في الشارع، وموظفين الوحدة المحلية طهقونى في عيشتى، كل يوم يمروا عليا يخدوا مني فلوس أرضية، لإنى مش عندي كشك».
وأشارت إلى أنها «قالت للرئيس أنا قاعدة في الشارع، ونفسى يبقى عندي شقه زي باقي خلق الله، لأن ولادى الخمسة بيناموا تحت الفرش على بطانية على الأرض في الصيف والشتاء، وعندي 3 ولاد معاقين، وعندي (هند) في رابعة حقوق، ونفسى أشوفها وكيلة نيابة إدارية، عشان تبقي زي ولاد الناس الكبيرة»..
مباشر القليوبية
