بقلم : سها عوضين
نمت كالعاده استنيتك تصحي تصالحني او حتي تيجي تكلمني ترجع وبإيدك على شعري تطبطب وتقلي متزعليش تاني مني قلت يمكن انا الغلطانه ومحتاجه اتقدم لو خطوه نزلت دمعتي وقلت ماهو عادته يصالحني مش هتيجي بقي من مره وفضلت أفكر ازاى طيب اجي اناكشك زى العاده واجيلك سيره تيته تقوم تضحك او اجي احوم حواليك وابرطم بمعاني كتيره مالهاش معني
واقول يمكن يفهم يمكن يعرف اني بحاول حتي لو كنت انا ساكته ماهو انا كان ليا مين غيره يفهمني من طرف عنيا واخيرا قررت اخد الخطوه وأصالحك قررت اضحك واناكشك مشيت من أوضتي الكام خطوه وقلت طب حتي الصبح افاتحه قلبي ندهني وقالي بلاه قلت دى كلها كام ساعه خطوه تروح وتجبني وخطوه تملى تعذبني
وأخيرا خدتها خطوه بتنهيده وقلت هيسمعني بابا واتاري ال وضه بقت فاضيه وسريره تملى بقي فرشايه تتغير من يوم للتاني بابا وفى لحظه جريت على قوضتي قلت تملى تعيد حدوتي وترجع تاني ساعه مغرب علينا تنادي ونتخبي نجري عالمطبخ نتودك ونجهز سفره وكبايه المياه اكيد أساسيه والعيش والملح مايتناسو تبقي من غيرهم عيشه ديا وارجع وابص على عبايتك وادور فيها على ريحتك واقول راجع بابا انت نمت أنا بس نسيت انك نمت واستنيتك ترجع مرجعتش كالعاده استنيتك تصحي ومصحيتش بابا هستناك لحد ماتملى فى يوم ترجع .
