يامصريين
لا للفوضى
ولا مكان للخونة
يارب احمى الوطن والجيش والشرطة والرئيس الذى حمل رقبتة على يده لحماية المصريين اوعى يا مصرى تنسى تضحية الرئيس عبد الفتاح السيسى عشان مصر وأمن مصر وامنك وحمايتك
ياشباب مصر الخير فى مصر شوفوا البناء والتعمير شوفوا الصحراء بقت خضراء وعامره بالبناء ، ياشباب افرحوا ببلدكم وافتخروا برئيسكم وبجيشها وشرطتها بصوا على الأمن والأمان بصوا على كل حاجة حلوه بجد اتعملت ف مصر افتكروا حلم اى شاب أو هم كل اسره ف توفير شقة لابنهم أو بنتهم عشان يتجوزوا فيها شوفوا المدن الجديدة عمرت بآلاف من الشقق والتنسيق والجمال كل ده والله العظيم للشباب وكل اللى بيقدم بياخد شقة ، شوفوا المصانع والشركات حتى البنوك فاتحة بابها للشباب ،شوفوا الكبارى هتعمل أية هتعمل تواصل بين مكان سكنك وبين مكان مصانع جديده هتشتغل ومش هتحمل هم الرجوع لبيتك خلاص الطريق اللى كان بياخد ساعات بعد بناء الكبارى قصرت المسافات وشجعت المستثمرين على إنشاء مئات المصانع اللى هتفتح أبوابها للشباب ، سيبك من كلمة حلوة مدفوع مقابلها ملايين الدولارات عشان تهدم وطنك وانت ياغلبان تسمع الكلام وتساعد الخونة على هدم الاوطان ، سيبك من اللى عمل ملايين وكان بيصرفها على المزاج ولم الغلبان يمد أيده ويطلب منه حاجة كان يرفصها ، واول ما البلد قالت نتحاسب خاف وجرى وفى حضن الشيطان مسك وبدأ ينفث سمومة من ورا شاشة تليفون ويقولكم أنة بيكشف المستور .. سؤال هى القصور اللى بتتبنى دى من ورا مصر يعنى هى بتنزل من السما كده ولا بتكون خافية ولا بنحفر فتطلع القصور ، مش القصور دى بناء يعنى مهندسين وعمال وصنايعيا وسواقين وعربيات رايحة وجاية يعنى ايادى مصرية إللى بتبنى ، بناء القصور بيكون سبب فى زياده قيمة المكان انتوا ناسين ده والله العظيم الرئيس اللى بيفهم وبيحب وطنة وشعبة رزق انا قولت اللى عندى وقصد اكتب بالعامية وباللغة البسيطة وهى اللغة اللى بتكلم مع اولادى بيها عشان كل الشباب اولادى ربنا يحمى اولادنا ويحمى وطنا ويحمى رئيسنا عبدالفتاح السيسى والمؤسسة العسكرية والشرطة
يارب احفظ مصر .. تحيا مصر .. تحيا مصر .. تحيا مصر.
كاتب صحفى خالد حجازى .. عضو لجنة الدفاع عن الصحفيين
