كتبت : سحر سعيد
وقفت المهندسه امام محكمة الاسرة وهى تبكى حظها لقد اوقعها القدر فى راجل ما يعرفش ربنا ” هكذا قالت ” الزوجه للمحكمه لقد تزوجت من راجل والحمد لله ميسرور الحال وصارحنى قبل الزواج بانه كان متزوج قبلى اثنين وطلقهما ومن غير ما اسأله السبب قال لى ” القسمه والنصيب” ولذلك انا رضيت بنصيبىى معاه وتزوجنا وانجبت بنتى الاولى وانجبت الثانيه اضافت الزوجه يوم ولادة بنتى الثانيه جاء زوجى وبدلا من ان اجده فرحانا وسعيد بان الله رزقه حوريتين ما اجملهما وجدت زوجى يقول لى امتى هاتجيبى الولد بقى ! وسكت وانا لم اخذ فى بالى ومرت الايام وحملت للمرة الثالثه وعندما علم زوجى انى حامل وجدته يقول لى اسمعى يا….. لو انت حامل المرة دى كمان فى بنت هطلقك ! فاندهشت من كلامه كيف يقول راجل متعلم هذا الكلام افتكرته بيهزر فقلت له ماذا تقصد فرد علىى قائلا ” اللي قبلك تفتكرى طلقتهم ليه ؟ علشان مفيش واحده فيهم فالحه قادرة تجيب لي الولد ” وانا بتكلم جد لو اللي فى بطنك بنت روحي بيت اهلك احسن
قالت الزوجه للمحكمه فى ذلك الوقت لم اعرف ماذا افعل.. اعيش معاه باقى التسعة اشهر و كاني بالعب البخت وحياتي وحياة بناتي تحت رحمه رجل لايعرف ربنا ولايفهم أن كل شيئ بايد الخالق اوضحت الزوجه انا ذهبت للدكتور لاعرف ماذا احمل في بطني وكانت المفاجأه قال لى الدكتور” بنت أن شاء الله تكون قدم السعد عليكي ” صرخت وقلت للدكتور يامصبيتي الدكتور قال لي ايه اللي انتي بتقوليه ده وخرجت من عنده والدنيا بتلف بي ارجع البيت لزوجى ولا اذهب الى فين لم اجد غير الذهاب لبيت ابي وقلت لهم الحقيقه ولكن زوجي اتصل وبحث عني وعرف اني في بيت اهلي وحضر وقال لي في ايه قلت له أنا حامل في بنت وانت عايز ولد قلت امشي قبل انت ما تمشيني المفجاءه والكارثه في وقت واحد هي أنه قال لي هاعطيك فرصه كمان تجيبي فيها الولد المره القادمه لو ما جبتى الولد اطلقك ..انهارت الزوجه في البكاء وندمت علي هذا الزواج الذي لم تجني منه غير انها اصبحت ام ومسئوله عن بنات وتوجهت الى محكمة الاسرة لطلب الطلاق من هذا الزوج اللى مايعرفش ربنا
مباشر القليوبية
