انتقد الشيخ خالد الجندي، عضو المجلس الأعلى للشؤون الإسلامية، حديث الإعلامي عمرو أديب عن تصريحاته حول “الجنس في الجنة”، خلال حلقة الأثنين الماضي مع الدكتور سعد الدين الهلالي.
وخصص أديب حلقة أول أمس للحديث عن تحديد النسل، وقال في الحلقة لسعد الدين الهلالي إن الشيوخ في مصر أصبحوا يهتمون بـأمور جانبية مثل “الجنس في الجنة”، قاصدًا بها الجندي.
وقال الجندي، خلال تقديمه برنامج “لعلهم يفقون”، على قناة “DMC”: “الإعلامي الكبير عمرو أديب بيتحدث مع الدكتور سعد الهلالي عن تنظيم الأسرة، وفجأة قال الشيوخ عندنا بيتكلموا عن الجنس في الجنة، طيب يا عمرو مش ذنبي إنك صحيت النهارده تتكلم في موضوع تحديد النسل ده أنا صدعت الناس في برنامجي هنا بالموضوع ده، إحنا في خندق واحد من أجل الوطن، إيه لازمته اللي عملته ده”.
ووجه عضو المجلس الأعلى للشؤون الإسلامية، رسالة لـ “أديب”، قائلا: “عمرو خد بالك كلامي عن الجنس في الجنة مهم جدا لأنه كشف مستغلى النساء واللي بيبصوا لها أنها وعاء للشهوة، والدواعش الموجودين في الاعلام والمؤسسات الدينية.. الناس دى شايفة أن المرأة هي المكافأة التي يحصل عليها اللي هيموت الناس ويفجر نفسه”.
واستكمل الجندي: “يا عمرو كل واحد يقدر ينصح الناس ويعمل شغله، شوف أنت شغلك وأنا اشوف شغلي، وكفاية نفسنة، أنا مش فاهم إنت منفسن مني ليه، بيظهر في عينك على فكرة، عاوز أعرف عندك نفسنة مني ليه، انت راجل ديمقراطي لكن هاجمت رأيي في موضوع النقاب، وتقول داعية ومشهور وانت مش ناقص شهرة، أنا عاوز أعرف انت مضايق ليه من رأيي”.
