المرآة

“حسناء ” زوجي سمسار اعضاء بشرية وبيقولي “الطلاق حرام “

كتب – سحر سعيد
“زوجي سمسار اعضاء بشرية ونصاب ويرفض طلاقي وبيقولي الطلاق حرام ”
هكذا روت “حسناء ع 25 سنة ربة منزل أسباب طلبها الطلاق من زوجها احمد م امام مكتب تسوية المنازعات الاسرية بمحكمة الاسرة بشبرا
قالت “حسناء” تزوجت من رجل متوسط الحال اوهمني انه يعمل في السمسرة وبعد الزواج كان يغيب كثير عن البيت ويعود ومعه أموال كثيرة وعندما كنت أسأله بتشتغل ايه يرد ” بقلب عيشي ” والحقيقة كان كل اللي يهمني انه كان بيلبي إحتياجاتنا في الاكل والمشرب والحياة حلوه
وفي أحد الأيام يوم رجع البيت ودخلت أعد له الطعام فسمعته يتحدث في الموبايل ويتشاجر مع واحده ويقول لها ” هو انا ضربتك علي ايديك كل حاجه بمزاجك وأخذت فلوس عايزه ايه اعلي مافي خيلك اركبيه ” المكالمة جعلتني اتجننت وخرجت عليه وجده اغلق الخط لكن أنا سمعت كل حاجه سألته” بتزعق مع مين” قال “ناس في الشغل هاتي الغذاء انا محتاج ارتاح شويه ”
تضيف “حسناء” “عملت نفسي لم اسمع حاجه لحد مانام وأخذت الموبايل والرقم اللي كان بيكلمه أخذته وقلت لما يخرج اتصل واعرف الموضوع عشان انا متاكده أنه بيكلم ست ”
توضح “حسناء” انتظرت لما خرج واتصلت بالرقم “ردت عليا واحده وعرفتها اني زوجة فلان “قالت “عايزه ايه والله انا مش هسكت عليكم ياحراميه حتي لو العالم كله كلمني اخذتوا مني كليتي وضحكتوا عليا في الفلوس كمان انا عرفت الحقيقة انا خدت 30 الف جنيه وزوجك اخذ 300 الف جنيه حقي وانا هاخذه منكم” قلت لها “اصبري افهم وانا والله هساعدك انا معرفش حاجه ليه مش انتي بتشتغلي معه” ردت ” لا” فقلت لها “والله انا سمعتك بتكلمي معه وافتكرت أنه بيعرف واحده عليا” قالت لي “جوزك سمسار وحرامي بيسرق الفلوس” انتظرته حتي عاد زوجي وقلت له “انت بتشتغل ايه بالظبط” قال “من أمتي بتهتمي كده بشغلي” عرفته اني عرفت كل حاجه والدليل مروه اللي ظلمتها وأخذت كليتها فرد “اخرجي من الموضوع احسن تموتي” قلت له “انا ابويا شيخ وعلمني الحلال والحرام طلقني احسن هفضحك واسجنك رد “مفيش حاجه عليا كله بمزاجهم وأخذوا فلوس والبيع رسمي وان اتكلمتي الكبار هما هيردوا عليكي”
تضيف “حسناء ” خرجت من البيت وذهبت لاهلي وقلت لابويا اخرجني من الحياه القذره دي واتصل ابي عليه وقال له “طلق بنتي” قال له “عيب ياحاج الطلاق حرام ” واذا طلقتها مفيش لها حقوق” فقررت اللجوء للمحكمة لتطليقي منه وإعطائي حقوقي

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى