كتبت سحر سعيد
وقفت ” ح ن ” ربة منزل امام قاضى محكمة الاسره تطالبه بان تحصل على الطلاق من زوجها رجل القانون ورفضت التصريح امام الجميع بعمل زوجها لحساسية عمله قالت فى اسباب الطلاق ان زوجى الرجل المحترم اللى يعرف قانون والمفروض انه بيعطى لكل واحد حقه من الاخر كده شغال ” قرنى ”
استوقفها قاضى الاسره وطلب منها التوضيح وعما اذا كانت تريد ان تكون الجلسه سرية من عدمه رفضت الزوجه ووقفت تحكى حكايتها مع زوجها
قالت انا زوجة جميله وكنت احلم بزوج فى مكانه مرموقه وغنى ومعاه فلوس يستطيع ان يوفر لى سيارة وشقه فى مكان محترم اضافت وجدت كل هذا فى شخص تقدم لى عن طريق احد اقاربى المهم وافقت عليه وعشت معاه احلى ايام عمرى وبعد فترة طلب منى ان انظم حفله لاصحابه وزوجاتهم فى شقتنا قلت له ماشى “حتى علشان اتعرف عليهم ” وبالفعل عملت حفله ماحصلتش فيها اكل وكل انواع المشروبات والحلويات وتعرفت على زوجات اصحابه كلهم ومرت الايام وطلب منى اعمل حفله اخرى قلت ماشى وعزم نفس الاشخاص وزوجاتهم واخرين
اوضحت الزوجه فى هذه المره لاحظت اشياء غريبه على بعض الرجال والسيدات فى الحفله حيث وجدت سيده من الموجودين انا اعرفها تتحدث فى الموبايل بشكل خارج وتقول تقول كلام المفروض انها تقوله لزوجها والغريب ان زوجها اساسا موجود فى الحفله ويتكلم مع واحده تانيه غيرها فدققت النظر فى الموجودين وجدت للاسف بعض الزوجات يقفن مع رجال غير ازواجهم والادهى من ذلك ان ازواجهم يقفون مع سيدات اخريات اضافت الزوجه صمت ولم اتكلم وعقب خروجهم من الشقه وقفت مع زوجى اتحدث معه عن ما رايته بعينى ولم اصدقه فكان رده لى صدمه اصابتنى بالجنون ” خليك ” فى حالك ولا تسألى عن شىء ده شغل انا من الاخر كده انا برتب الحفله للتعارف وبعد كده كل واحد مع نفسه بعيد عني صرخت في وجه وقلت له انت كده ” قواد ” او ” قرنى ” انت مصيبه ازاي تعمل كده ” انت تقبل ان حد يبصلى او يعمل معى كده ” رد على وقال ” انا عارف انا بعمل ايه ” وتركت البيت وطلبت منه الطلاق فرفض وتوجهت الى محكمة الاسرة لاحصل على حريتى
مباشر القليوبية
