كتبت :سحر سعيد
على باب محكمة الأسرة ياما فى البيوت “مظاليم”.. حكايات الستات ووجع القلب.. المظلومة والمقهورة والمضروبة و”اللى طالع عين أهلها”.. من هذه الحكايات وقفت ” م . ت” تصرخ امام قاضى محكمة الاسرة تطلب منه ان يطلقها من زوجها “المحامى ” بسبب اهانة اسرته لها وتعدى شقيقه عليها بالضرب ..قالت الزوجه انا خريجة كلية الاداب وتعرفت على زوجى بعد التخرج وتزوجنا وعشنا مع بعض ايام حلوه وايام اخرى مره ولكن الايام المره كانت اكثر ورغم ان زوجى كان محام مشهور وزى ما بيقولوا شاطر فى مهنته مفيش قضية يمسكها الا ويكسبها كان يستخدم كل الطرق المشروعه والغير المشروعه لكى يكسب قضيته حتى اننى تدخلت مره فى شغله وقولت له بلاش الشغل الشمال فى عملك رد على وقال لى ده شغلى وانا عارفه لا تتدخلى فيه ومرت الايام ووجدت اسرته تدخل فى حياتى ووالدته لا يمر يوم الا وتسبب لى المتاعب والمشاجرات مع زوجى وفى يوم من الايام تعدى شقيق زوجى على بالضرب واهاننى امامهم جميعا وعندما عاد زوجى طلبت منه ان يجيب لى حقى من شقيقه فرفض قائلا دى اسرتى واشقائى وانا استفاد منهم ورفض انه حتى يعاتب شقيقه وهنا طلبت منه ان يطلقنى فرفض فقولت له انا ساذهب الى المحكمه وهى التى سوف تطلقنى فكان رده على اذهبى للمحكمه تطلقك وبعدين ” المحكمه ملعبى وابقى قابلينى ” وبدأ زوجى فى خداعى وخداع المحكمه فى احضار شهود زور واوراق وتقارير طبيه مزورة لاقناع المحكمه بانى ليس لى حق فى الطلاق ولكن فى النهاية انا مصره الى موقفى وانا معايا ربنا وحسبى الله ونعم الوكيل فى جوزى
مباشر القليوبية
