كتب : إسلام عبدالعليم ومحمد أحمد سليمان
حالة من السخرية سادت مدينة بنها،بعد تداول صورة لعدد من الفتيات يدخنون الشيشة بإحدى كافيهات مدينة بنها، صورتها إحدى الزائرات للكافية مستنكرة الظاهرة.
كما أشتعلت مواقع التواصل الإجتماعى ببنها رافضين الظاهرة ،معلنين خطورتها وتهديدها للمجتمع.
يقول حسام شعلان انا مع تصوير البنات دول علشان فضحهم خوف عليهم وعلى اهلهم وعلى اللي بتفكر تعمل زيهم، الناس اللي بتهاجم التصوير سؤال ماذا لو لقيت حرمة بيتك بدخن ؟؟؟ النظرة ليهم بتكون حقيرة جدا وبيتقال عليهم لفظ قبيح ، ياريت اصحاب الكافيهات يتقوا ربنا في بنات الناس ويمنعوا الظاهرة دي.
ويضيف عمرو مصطفى :والله انتى جدعة انك صورتيهم خلي الظاهرة دي تختفي من بنها شوية بنات وشباب عاوزين الحرق اهاليهم طلع عينهم علشان يربوهم وفي الاخر رايحة تشيش .
وأشاد رواد المواقع بالقائمة بالتصوير لدفاعها عن المجتمع وثوابته قائلين : انتى مش غلط ، أنتى صح مليون فى الميه.
مباشر القليوبية
