إعلان

إعلان

يابنت الأيه

9

الشاعر عاطف الشاذلى “يغرد فى حب مصر”

 

رغم ان انا لا مدير ولا بيه

ولامقتــــدر ولا حظي نبيـه

والهـــم فـي القلب وســاكن

محاوطني ميت شيطـان

لكن عاشـق هـــواكي يابنت الأيه ! .

أهيم فـي حـب اللي يحبــــك

واغضب واســب اللي يسبك

مع اني فـي الدنيـــــا باعاني

ولاكنتي مـــرة سامعــــــاني

ولا قولتي مرة ازاي ولا ليه

حبك مالكني يابنــــت الأيـــه

. وف قسوتك لســـه انا صابر

ع الضنك والفقــر الغــــابر

مهما الكلام عنــــك ينقــــال

باعمل غني ميسـور الـحال

مع اني جيبي مافيهش جنيه

قوليلي بس انا أعمــــــل أيه

سمعاني لسه يابنت الأيــه ؟

. ولمـــا افكّــــــر اتغــــرّب

باشتاق لحضنك واتقـــرّب

ومنــايا أشـرب من نيـــلك

والقلب نبضــــه يغنيــــلك

موال حزين بالدمع ارويه

أيه الـحكاية يابنـــت الأيه ؟

قد يعجبك ايضا